10‏/10‏/2013

أوكوان بطلى المثالي



هذا الرجل يدعى أوكوان يون، يقول أنه من مواليد كوريا، ولا يهم إن كانت الشمالية أو الجنوبية.
أعارني صديقا فيلم 
 life in a day
 من سنتين تقريبا وسمى المجلد " في حالة التعرض لنوبة إكتئاب ، ينصح بمشاهدة هذا الفيلم....
وقد كان....
أرسل لي صديق أخر لينك لتحميل  رواية قواعد العشق الأربعون دون أن يعنون الرابط بشيء. تحدثنا عن الراوية،  وبعدها شيء ما في كلمة صديق لم يعد في محله، غالبا حدث ذلك التغيير بعدما أخبرته أنه مادي_ومع أننى لم أتبعها بحقير_ لكنه أكمل الوصف، وشعر أننى أراه هكذا، أنا فقط  كنت أظن أنها رواية لا تلائمه.... 
ربما نتيجة ذلك أننى سأفتقد تراكاته على الساوند كلاوود، ولينكات روايات مماثلة، لا أظنها خسارة كبيرة، وربك مش بيسيب حد من غير عشا 
في الرواية تحدث عزيز عن الإذعان، أو التسليم للحياة، وهو بالضرورة لا يعنى الضعف.....شاهدت هذا الفيلم في لحظة إذعان مماثلة  لقدرته على علاج الإكتئاب مع أننى لست بمكتئبة على الأقل اليوم
الحياة في يوم..... فيلم سعيد ويجعلك سعيدا، وأغنيته هى أكثر الأغانى التي تمثل لى الصوفية كمان أفهمها....
I want to drink from the clearest water
I want to eat the things i ought to 
I just want to know 
that I feel strong you know
 إتصال بالكون، وعناصره، ومعرفة، وقوة، ومعرفة بالقوة.
الله الذي أريده وأعرفه، لم يتجلي لى من قبل في الحياة اليومية، الله كان هناك بالأعلى بين السحاب، وكان في صمت الصحراء بسيوة، وربما افصح عن نفسه قليلا في الفجر وقت الشروق، عندما كنت أهرب من الشيفت، وأتأمل البحر على سلالم الشاطبي
الفيلم بشكل خفي يقربك من وجوده في الحياة
 "اليومية" 
كان الأوضح بينهم أوكوان يون، الذي يلف العالم على دراجته، ويقيَم علاقته بهذة الرحلة، بالأرقام، وبحجم الذباب
 زار 190 دولة، له تسعة أعوام و 36 يوم على دراجته، وتعرض ل6 حوادث سيارات، خمسة  منهم  بعمليات جراحية مختلفة ،مما يعنى 5عمليات جراجية
 رأى عدد لا نهائي من أحجام الذباب.
كان اوكوان في المشهد جالسا في مقهى، يمسك كوبا من القهوة، وداخل الكوب كانت هناك ذبابة تلفظ أنفاسها الأخيرة، وأثناء إحتضارالذبابة، أوكوان رصد لنا أحصائيته الظريفة عن أحجام الذباب، فذبابات شمال أفريقيا أصغر من ذبابات كاتماندو في  نيبال، وذبابات تركيا اصغرمن كلاهما
لكن الذبابة التي كانت في كوبه كانت بنفس حجم ذبابات كوريا، واليابان والصين ، مما دفعه إلى نوبة حنين جارفة للوطن.
 so i feel so emotional, he said


في ظنى هذا رجل يمكنه أن يؤسس لديانة جديدة وسيتبعه الكثيرون، بدون إبتذال، هو شخص محب للسلام، لديه فلسفته الخاصة، خرج ورائها . ومن يظنوه يضيع عمره على الدراجة، يضيعون حياتهم في أوضاع شتى آخرى، أكثر مللا. 
أنا قد أسير خلف رجل هشم قيلولة العصر في فراش دافيء، وخرج على دراجته نحو الجبال، متحدثا بكل هشاشة وأمل عن السلام العالمي.....قلوب ودباديب

I want to reach the greatest mountain
climb if i want without all shouting
and clouds really should be white at least
 and oceans should meet us at the beach
I don't want to overreach

تقول الأغنية أن علينا على الأقل أن نحافظ على السحب بيضاء، أنا ضعيفة تماما أمام كل ما له علاقة بالسحب، وفي الفيلم كانت هناك فتاة تسبح في الهواء وتجذبها الأرض. كانت في لحظة وسط بين السماء و الأرض محاطة بالسحب، هذة اللحظة هى أبديتى الطيبة في الجنة، 
لهذا نحن نحب الرب
 لآمال كهذة نعبده.....
 
when i know what is in the store, raw love
life ,a day at time, my love
life, a day at time, don't you know, love
 
 شعر أوكوان أنه مولود جديد بعد أن حلق رأسه وهذب شعره.....كيوت سو كيوت.....أينما كنت يا أوكوان أتمنى أن أقابلك لو مررت ببلدنا الحبيب حيث الذبابات الصغيرة في قهوتك وعلى وجهك.....أوكوان، انت بطلي المثالى.
 


 

04‏/10‏/2013

تجربة روحية عميقة

فيه بيت شعر لمحمود عزت بيقول..... قلبي النهاردة خفيف على كل شيء كاين، 
البيت ده بيلح عليا في كل حالات الخفة اللى ممكن احس بيها، خصوصا لما اتفرج على فيلم حلو....
بشكل واعي تماما انا مش عايزة اكتب جمل عميقة...بشكل واعي انا عايزة اكتب اللاوعى.
من أول السطر....فرانسيس كوبلا مخرج فيلم ال 

the godfather

بيتعامل مع أول جزئين على أنهم نحتاية في السريع، عملهم كدهون في وقت فراغه عقبال ما يكمل مشروعه الأهم من وجهة نظره... 

Apocalypse now

الراجل سافر الفليبين في وقت حرب فيتنام عشان يصور أجواء الفيلم ويتش واز حرب فيتنام إت سيلف، 
وكان بيتفق مع الحكومة الفيليبنية تبعتله هيليكوبترات يصور بيها، اليوم بألف دولار.....بيحصل
 وفي نص المشاهد والكاميرا دايرة تسحبها منه، عشان يعملوا بيها طلعاية على أعداء البلاد....
 كانوا بيفعصوا الشيوعيين بتوعهم باين زى الحشرات....

IN YOUR FACE COPPOLA................there is god

 وكل البشر اللى كانت هربانه من حرب فيتنام، اللى سافر منهم كندا واللى اتجوز عشان مايروحش فيتنام، 
كانت بتتعارك عشان تسافر مع كوبلا يصوروا محاكاة للحرب في الفليبين، 

نشيل سلاح لاء، نشيل زووم صوت قشطة
  
Go high or go home, and the fuck he went high

بصى احنا مش لازم نحل كل أزماتنا النفسية مرة واحدة....

Baby steps

واحدة واحدة صحيح ....بس على الاقل احنا مش مشاليل....
نتعامل ع رواق والله العاطى، التشويش وحش بعيد عنكم ، بس انا واحشانى حالة فقدان الوعى و الغرق في الجمل......
انك تبقى حر ومش هامك....لطيف بس بداية استعمال الاوبشن ده في الحياة معجزة سماوية والله.....هاليلويا

لسه ما اتفرجتش على أبوكليبس....بس احساسي بيقولى مش حيعجبنى....
 بانبهر بالكواليس اكتر من الفيلم نفسه، يمكن عشان بحب الحاجات اللى ورا البيبان المقفولة......
هو فيه ايه؟ هما بيعملوا ايه؟ عملوها إزاى؟.....
عشان كده مع انى حبيت الوثائقي اللى عن ابوكليبس مش حأحب ابوكليبس.......
لو عجبنى مش حأحكى لحد عنه نهائي....
لان كل الحاجات اللى بتعجبنى باتكلم عنها كتير زى الهبلة، بحس بغواية انى اهرى اهرى .......
لو عجبنى حاعاقبنى ومش حاحكى عنه...
فل
Release, lose
لاء مش اخسر....رخي