09‏/08‏/2008

طق حنك


كثرة البكاء تترك الروح مهترءة صدئة وأنا ما أردت لروحي بأن تصير مثلي.
الراحة كعبتي أدور حولها ولا أدخلها .أشعر بخدرها يسري في أوصالي كلما قرأت,عندما أريد المزيد احضركتابه أمام عيني أقبله ولا أقرأه.
تعلمت من الصوفية أن أتجاهل من يؤذيني لا أستطيع تجاهلني.
تمنيت أن أراه قبل أن أنام فحلمت بنجمة داود .ما تفسيرك لحلم به مروحيات تختبىء منها في كهف يقودك إليه رجل أعمي؟.
قلبت فنجاني وعدلته لأقرأه فما وجدت سوى نقط سوداء.لا أحب اللون الأسود ولكنني أتلذذ بطعمه الذي يشبه الحصرم.
لن يأخذ من معرفتي سوى العبرة .العبرة لن تبقيه,عن تجربة ولا الحب يُبقيه........ الاحتياج وحده الرباط.

سأعلم أنه يحبني بحق عندما أراني في عينيه كلعبة الفيديو في عين أخي الصغير.
أتوق للاختباء والتلاشي ......حبات رمل صغيرة أضمها في قبضتي و أنفخ لتصبح جزء من كل شيء و أي شيء.
سأبتكر تعويذة.......... لمحات من أول لقاء......نصف قلب في سلسلتي كل نصيبي من الحكاية ..........أف قالها لي ولا يعنيها وأخرى يعنيها...........لزمته التي يكررها كل كلمتين.......امزجهم جميعا في بودر لامعة للمونتاج.أرشها على كل لقطاتي تشوشها فأتلاشى.

هناك 21 تعليقًا:

!!! عارفة ... مش عارف ليه يقول...

بالفعل تتركها مهترئة لا تقوى حتى على الشهيق

الرموز كثيرة وتفتح الاف الأبواب لكل قارئ يفسرها كيفما يراها وتنعكس على ذاته

لتثير في نفسه الاف الأسئلة والتي تعود دوماً بدون إجابات

دومتي دوماً مبدعة
وليد

استراحة محمد يقول...

اذيك يا سمسم
البوست ده جامد جدا وراجع ادخل على مدونتك الاقيه فى وشى
بجد تفوقتى على نفسك فى الألفاظ والرموز وحتى المعانى
الاحتياج وحده الرباط.
سأعلم أنه يحبني بحق عندما أراني في عينيه كلعبة الفيديو في عين أخي الصغير
ابداااااااااااااااااع الجملتين دول
عقلى بيبعت تحية لعقلك على البوست ده
تحياتى دائما

كلام وخلاص يقول...

عارفة....مش عارف ليه: وليد شكرا بجد لرأيك ولمرورك هى فعلا مكس رموز على مشاعر حسيتها
نورتنى

كلام وخلاص يقول...

استراحة محمد: انا تمام والحمد لله بخير
انا مش قد كلامك خالص ومبسوطة بجد انه عجبك وتحية عقلك وصلت
نورتنى كالعادة

Zanooba (Zeinab sab9n) يقول...

أولاً سعيدة جداً بأني لاقيت مدونتك ...و مبسوطة أوي و البوست جميل أوي و فعلاً الدموع بتسيب نفس الإنسان صدئة لأنها بتجر كل الأحزان ورا بعض
تحياتي

Desert cat يقول...

شعرت بعدم التوحد
شيئ ولا شيئ
غربة واقتراب
مزجتهيم لتقصى علينا اروع كلمات
تحياتى

ahmed_k يقول...

الحب يا أسماء قلب وعقل
فالحب الذي لا يتم تحكيم العقل فيه تكون نتائجه علي النفس أكثر مما ذكرتي
أما الذي يكون نابعا من القلب وتم تحكيم العقل فيه لا يمكن أن يؤدي لمثل تلك الحاله

وفقي الله
في أمان الله

blue-wave يقول...

بجد بجد
مش لاقى اى تعليق
تسلم ايدك

حـــــدوتـــــة يقول...

السلام عليكم

كلمات رائعة لكاتبة موهوبة
وعلى شفى الاحتراف

سلالالالالالالالالالالالالالالالالالالالالالالالالالالام

seven يقول...

فى العادة انا مش بحب النوع ده من الكتابة
بس بجد انا عجبنى البوست ده جدا بجد فى تشبيهات
جامدة جدا.... بجد استمتعت

blue-wave يقول...

انتى فين يا بنتى؟
ايه الغيبه دى كلها؟؟؟
يارب تكونى بخير

هــــــــــــايدي يقول...

دى اول زياره لمدونتك بس عجبنى اوى كلامك انتى اسلوبك راقى جدا وتشبيهاتك وتعبير الكلام بجد حلو اوى

بس انا اسفه انا مش فاهمه معنى العنوان بالظبط ممكن توضحيه بكلمه اسهل

كلام وخلاص يقول...

زينب: انا اللى فرحت بزيارتك وبرأيك وشكرا ليكى ونورتينى

*********************
desert cat:سعيدة برأيك وبمرورك وبالراحة على زوار مدونتك دايما موضوعاتك جدلية كده
نورتينى

كلام وخلاص يقول...

احمد زكى الدين:انا مش افضل من يتكلم او يفهم الحب وان كنت مصدقة باهمية تحكيم العقل والقلب زى اى مشاعر فى الدنيا
نورتنى

كلام وخلاص يقول...

blue-wave:دكتور عمرو اللى بيحرجنى باهتمامه سعيدة طبعا ان الموضوع عجبك وانا موجودة ومتابعة وبخير الحمد لله مرسي بجد لاهتمامك ولسؤالك
نورتنى كعادتك

كلام وخلاص يقول...

حدوتة :شكرا لرأيك بس لسه بدرى على انى اتمكن ان الكتابة كل دى يا سيدى محاولات وربنا يسهل
نورتنى

كلام وخلاص يقول...

seven:مبسوطة ان البوست وصلك وعجبك ممكن اعرف مش بتحب نوعية الكتابة دى ليه؟؟
نورتنى

كلام وخلاص يقول...

هايدى: الاول اسعدتنى زيارتك الاولى ورأيك بجد شكرا ليكى
وبالنسبة للعنوان ياحبيبتى بدون اسف
طق حنك ده باللبنانى بالمصرى يعنى هرتلة زى اسم البلوج كده كلام وخلاص
نورتينى يا قمر

بنت سيناء.. يقول...

خواطر معبرة..كل سنة وانتى طيبة ورمضان كريم

أمير البلانكو يقول...

كلام وخلاص

بجد دا مش كلام وخلاص دا أسلوب متميز

الراحه كعبتي أدور حولها ولا ادخلها

أشعر بخدرها يسري في أوصالي

بجد عجبني أسلوبك في معاني الكلمات

تحياتي ليكي

عروسة ننوسة يقول...

كل سنة وانتى طيبة
نفسى تطولى القصة اكتر علشان نستمتع بالقراءة