16‏/07‏/2008

وجه 1



كل مرة يمسك الريشة تكون نيته أن يرسم وجه يضحك فقليل ما يرى وجوه تضحك, لكن ريشته كانت مرحة تفاجأ ه بطيور وفراشات واسماك ملونة .اليوم قرر انه من يتحكم وليأخذوا تعاونهم مأخذ الجد .أدارها في شكل بيضاوي ليفصل بياض الوجه عن بياض الورقة وليبدأ بضحك الشفاه فهو الأسهل احكم قبضته على الريشة وشكّل انفراجة. الشفة السفلى لم تطاوعه والتوت ,حاول مع العليا لكن الفم مازال ممتعضا .تنهد بعمق واتجه للعينين فضحكها الأصدق أراد عيون مفتوحة واسعة كلما زاد الاتساع تاه به الضحك.كيف توقع أن تضحك عيون مفتوحة ؟!علام يا ترى؟! أرخى الجفنين قليلا وكل ما طل نظرات عتاب لا ينقصها سوى دمعتان ويجسّد الحزن في وجه تأكد الآن أن التعاون الجاد بينه وبين الريشة لن يثمر عن ضحك يذكر فترك لها أمر أنامله ولترسم بهم طيور وأزهار ملونة كما تريد ولأنها مرحة رسمت له وجه بلسان مطل في سخرية.

هناك 38 تعليقًا:

محمد حلمي مخلوف يقول...

اكيد صعب الفرشه ترسم وجه مبتسم كان لازم ترسم وجه ممتعض مما يحدث حوله
وفي النهايه ترسم هذا الوجه الذي يخرج لسانه له
ابقي قابلني لو عرفت تغير حاجه

Mohamed Hesham Safa يقول...

ريشة رخمة ...

استراحة محمد يقول...

وعندما ملل الرسام ان يجعل الريشة ترسم بسمة ، قرر ان يرسمها على وجهه هو وليكتفى بهذا ، الا ان ما حدث من امر الريشة جعل البسمة صعبة المنال
وبهذا تعملقت قوى الريشة لتمنعه هو ذاته من ان يخلق البسمة حسب ارادته
********************
القصة دى جامدة بجد ومعانيها عميقة جدا
تسلمى
تحياتى دائما

dina يقول...

تأكد الآن أن التعاون الجاد بينه وبين الريشة لن يثمر عن ضحك
ما هو المشكلة مبقتش فى تعاون الفنان مع فنه بس انما اغلب الاوقات تعاون الحياة مع الناس مش بيطلع غير اللوحة اللى رسمها الفنان دا
تحياتى

ahmed_k يقول...

ريشه ذكيه
مترسمش غير اللي هي عايزاه
بالتأكيد دي ريشة نعام
مش كده ولا اييييييييه

كلام وخلاص يقول...

محمد حلمى : بالضبط هى بتقوله كده احيانا بتبقى حسابتنا ابعد بمراحل عن حسابات القدر
هو انا عارفة انى غلبتك وتعبتك معايا بس ممكن تقولى رأيك فى اللغة والاسلوب؟؟ يا ترى مستواها اقل ولا هى نوع مختلف عن القة اللى قبلهاانت عارف ان رأيك بيفرق معايا
منورنى دايما

كلام وخلاص يقول...

محمد هشام: نورت فى اول مرور هى فعلا ريشة رخمة شويه بس واقعية ولا رأيك ايه؟؟

كلام وخلاص يقول...

استراحة محمد :اللى رافع معناوياتى ومعنويات اللى جنبى مبسوطة انك فهمت قصدى بس عندك لحظة الكلمتين اللى انت كتبتهم ينفعوا بوست لوحدهم احنا حنقطع على بعض ولا ايه؟؟
دايما بيسعدنى مرورك

كلام وخلاص يقول...

دينا : صح يا دينا انا كان قصدى كده الدنيا كلها مش مسألة الريشة بس انا فى الغالب قصصى رمزية القصص الواقعية باحداث ممكن تحصل وتتشاف من اصعب انواع الكتابة اللى باحاول فيها
شكرا لزيارتك ونورتى

كلام وخلاص يقول...

احمد زكى الدين: هى الريشة دى غلبت الكل حتى فى وصفها شوية مرحة وشوية ساخرة وشوية رخمة واخرها ذكية
ريشة نعام عشان ماشية بدماغها يعنى ممكن ليه لاء
نورتنى

محمد حلمي مخلوف يقول...

اللغة كويسه يا اسماء اني بتتطوري بسرعه
وافكارك مختلفه مش بتكتبي في موضوع واحد وده اللذيذ في اعمالك مش بتكرري نفسك
بس في جملة علام يا تري شيلي كلمة ياتري وخلي علام بس
الواقعيه التسجيليه بصراحه انا بعتبرها ماتت خلاص ممكن تكتبي واقعيه تسجيليه بس متخليهاش تسيطر علي اعمالك
الواقعيه السحريه تجتاح العالم
ارجو انك تقرأي اعمال ماركيز واورهان باموق وسارماجو وفرانك بيجو ورواية المسخ لفرانز كافكا كل اعمال فرانز كافكا
ربنا يوفقك انتي هتبقي من اكبر اديبات مصر واحلي حاجه كمان انك مش منغلقه في مشاكل النساء زي اغلب الاديبات المتواجدات علي الساحه
ومفيش تعب ولا حاجه وانا يهمني رأيك في اعمالي
عارفه اكتر حاجه قرفاني تعامي دور النشر مع الادباء الشباب كنت عايز اثبت لنفسي ان جودة عملي هي التي فرضت نفسها علي دور النشر دور النشر تعامل الادباء الشباب بتعالي وانا قررت اني اصبر شويه لحد ما اشتغل واكون فلوس النشر لأن والدي مش هيقتنع بالمسأله دي
وهانشر الروايه علي حسابي
شكرا لك وربنا يكرمك بس لو حبيتي في المستقبل تنشري اعمالك في دار اكتب للنشر
نصف التكاليف=نصف الارباح ودار محترمه بتعامل الادباء الشباب بشكل محترم وانا ان شاء الله لو وافقوا علي عدم اعادة صياغة بعض المشاهد هانشرها عندهم
دي شوية فضفضه متخديش عليهم
معلش طولت عليكي

محمد حلمي مخلوف يقول...

كلام وخلاص
اولا بعتذر اني مخدتش بالي اني مردتش علي كلامك غير دلوقتي
اعتقد ان من البراعه اني اجذبك لقراءة باقي الفصول وان اجعل القارئ لا يتمكن من توقع النهاية اطلاقا
في الفصل الثالث سيتضح الكثير لكي تمسكي بكل خيوط روايتي يجب ان تقرأيها كاملة
شكرا لرأيك واتمني لك التوفيق بانتظار جديدك

محمود محمد حسن يقول...

حلوة اوي الريشة اللي بترسم لوحدها دي ، ساعات برده القلم بيكتب لوحده كده ، وساعات رجلينا بتمشي لوحدها وتودينا مطرح ما هي عايزة ، بتبقى حلوة الحاجات اللي بتاخدنا ليها مش احنا اللي بنروح ليها ، حلوة اوي ،


طيب انا حليت الواجب يا فندم وشكرا إنك افتكرتيني بالتاج دي حاجة اسعدتني جدا بجد،

كلام وخلاص يقول...

محمد حلمى : انت تفضفض براحتك وان شاء الله ربنا حيكرمك لانك بتحاول وبتعتمد على نفسك وهو اى نوع ادبى مختلف عن التقليدى اللى ناس متعودة عليه بتواجهه صعوبات وشوية تنازلات من الكاتب بس يظهر انك عنيد الجميل انه عند بخطة عملية ان شاء الله حتنجح
شكرا على نصيحتك وان شاء الله حادور على قصص للكتاب دول واقراها
تفتكر اللى باكتبه يستحق انه يتنشر؟ الفكرة دى ما كنتش ف دماغى خالص
-------------------------------
it is ok
مش محتاج اعتذار
وانا حاستنى فعلا باقى الفصول زى استراحة محمد عشان افهمها صح
نورتنى بجد

كلام وخلاص يقول...

محمود ماجد:كتير بيحصل معايا ده تبقى ف دماغى فكرة معينة عاوزة اكتب عنها وافضل اتحايل على الكلمات عشان تقول اللى جوايا وتطلع حاجة تانية خالص ساعات احلى وساعات مالهاش معنى
انا قريت الواجب وكتبت خطبة مش تعليق عندك ف المدونة
شكرا لاهتمامك ولمرورك وشرفتنى زيارتك

محمد حلمي مخلوف يقول...

اكيد يتستحق النشر يا اسماء
لكن دور النشر المصريه والوضع في الثقافي في مصر زي الزفت ربنا يكرمنا

محمود محمد حسن يقول...

آه نسيت برده اقول إن كان فيه كلمة لأحلام مستغنامي بتقول إن اجمل حب هو الحب الذي نعثر عليه عندما نكون نبحث عن شيء آخر

متهيألي برده أجمل لوحة هي اللوحة التي نرسمها عندما نكون نفكر في شيء آخر

Dr.m يقول...

السلام عليكم
كلمات رائعه أحييك عليها
الريشه تعبر عن الفنان والفنان يعبر عن نفسه بالريشه..فأكيد الحزن ده طالع من جواه ..
تحياتي للبوست
سلام

عابرة يقول...

مرحباااااا
اريد ان احيك على ما كتبته
انه لشيء رائع ان يرسم الرسام لكن في بعض الاحيان لو اجتمع رسامين العالم باكملهم لما عرفوا ان يرسموا وجها ضاحكا لان الرسام يستمد قوته بالرسم من الذين حوله ولهذا ان كان الذين حوله كئيبين لن يرسم ابدا وجها ضاحكا ابدا

شكرا لك وتقبلي مروري

momken يقول...

الريشه دى بتهرج

اشترى غيرها ياعم وسيبك منها

هات ريشه دمها خفيف وشطوره

ومش عنديه
هى الريشه كمان هتقول رئيها ولا ايه

ههههههههه

البوست حلو اوى
تحياتى

كلام وخلاص يقول...

محمود ماجد :جملة احلام مستغنامي دى عبقرية.فعلا ممكن احلى اللوحات تطلع لما نسيب نفسنا ليها ونسيبها للمود حتى لما حترسم حزن حترسمه معبر وحقيقى واكيد احلى لوحة المعبرة والحقيقية

كلام وخلاص يقول...

دكتور محمود حسين: شكرا لرأيك ولمرورك
الحزن جواه اكيد عشان هو جزء من مجتمعه حتى لما غالط نفسه وحاول يضحك الريشة سخرت من محاولته
نورتنى

كلام وخلاص يقول...

عابرة: صديقتى واختى الجميلة شكرا لرأيك ولمرورك الفنان فعلا بطبعه صاحب احساس مرهف بيتأثر جدا بالمجتمع اللى عايش فيه وبالتالى لو كان فنه ده صادق ونابع من جواه بيعبر بمصداقية عن مجتمعه
والله يا جماعة تعليقاتكم نبهتنى لمعانى اجمل كمان من اللى كنت اقصده وانا باكتب
نورتى مدوتنى

كلام وخلاص يقول...

ممكن شاعر الرومانسية الثورية:ضحكنى تعليقك جدا يعنى جاب من الآخر الريشة مش عاوزة ترسم وايه يعنى جيب واحدة تانية بتسمع الكلام
شكرا لرأيك ولمرورك
ونورتنى بجد

kochia يقول...

يا سيدي امشي وراها
لحد ما تحب هي ترسم الوجه هترسمه لوحدها
وبافضل ما تريد انت


تحياتي

حـــــدوتـــــة يقول...

السلام عليكم

اخبارك ايه
البوست جميل بس انا عايز اقول حاجة
انا قريت مرة ان الرسم حرام
بس انا مش متأكد من المعلومة دى
ياريت لو عارفة قوليلى
وانا هحاول من عندى

سلالالالالالالالالالالالالالالالالالالالالالالام

oRiGiNaL HeArT يقول...

ماشى هو صعب يرسم الوجه المبتسم
اكيد عشان هو حزين او حاجة
بس فى النهاية الارادة ممكن تعمل كل حاجة
ممكن تخليه يرسم الوجه المبتسم وتخليه يتفاءل للدنيا مهما كان فيها
ومهما الريشة عاندته فهو فى الاول اللى بيتحكم فيها

كلام وخلاص يقول...

كوشيا : شكرا لمرورك ولرأيك
مش دايما تأتى الرياح بما تشتهى السفن
نورتينى

immigrant يقول...

جمييييلة جدا يا كلام وخلاص
بجد تسلم إيدك .. فكرتيني بخاطرة ليا كتبتها من كذا سنة اسمها حكاية فنان .. الله يمسيها بالخير :D

كلام وخلاص يقول...

حدوتة: وعليكم السلام ورحمة الله وبركاته
انا تمام بخير الحمد لله شكرا لسؤالك
بالنسبة لحكم الشريعة فى الرسم فمن موقع اسلام اون لاين معنا وليس نصا رأى د/يوسف القرضاوى ان التجسيد للروح فى صورة تماثيل حرام اما الرسم بخطوط والوان فيعتمد على مضمونه ومدى توافقه مع الشريعة وتعاليمها
يا رب اكون نقلت رأيه صح وللتأكيد يا ريت ترجع لبنك الفتاوى بالموقع
شكرا ليك يا حدوتة على اهتمامك وعلى رأيك ونورتنى

كلام وخلاص يقول...

original heart:شكرا لمرورك ولرأيك
انا عارفة ان الارادة تعمل كتير بس انا صورت لقطة نفسية حسابات اللى عاشها كلها مشاعر غير مدروسة ولا محسوبة حتى وهو بيحاول يدرس ويخطط بتغطى عليه المشاعر برضه
يا ريت تكونى فهمتى قصدى
نورتينى

كلام وخلاص يقول...

immigrant:شكرا لرأيك والحمد لله انها عجبتك واتمنى انى اقرا حكاية فنانك قريب
نورتينى بجد

Ahmed El-Agouz يقول...

سعدت بوجودي علي مدونتك القيمة واسمحيلي اكون من زورها المستديمين
العجوز
9 X الخير

كلام وخلاص يقول...

احمد العجوز:شكرا لرأيك ولمرورك
واعتبر المدونة مدونتك واكيد يسعدنى انك تكون من زوارها
نورتنى بجد

محمد حلمي مخلوف يقول...

كلام وخلاص
موقف2:هو نزف لحد الموت وهى تستنزفها صديقاتها حتى الموت ايضا فليس كل ميت تحت الارض
---------------------------------
جميل تعبيرك
----------------------------
موقف4:الحمد لله انه سنة 2086 والا كانت مصر كلها ورشة كبيرة
-------------------------------
والله ربنا يستر علينا
-------------------------------
شكرا لرأيك انا بعتبر القصه دي اهم قصه قصيره كتبتها في حياتي
اخيرا انا عايز اسألك سؤال باعتبار انك بتفهمي في المسائل دي ايه رأيك لو القصه دي اتعملت فيلم بس خلي بالك طبعا اسلوب التقطيع هيتغير لأني انا واحد صاحبي ناويين نكتبها سيناريو وحوار بس معندناش امل ان فيه حد يعبرنا
يهمني اعرف رأيك

YaQeaN يقول...

السلام عليكم..
تقبلى مرورى فى اول زياره ليا..

بالنسبه للريسه ومالكها..
اى فنان فى الدنيا لما يكون جواه شئ..صعب يرسم غيره..
لان الفنان علشان يطلق عليه فنان لازم احساسه يكون مرتبط جداً بأنامله..وكل جسده بينطق بالشعور ده..

انا لما بكون زعلانه مبعرفش ابداً ارسم بورتريه بيضحك خالص..تملى ارسم شخابيط..

لما بكون سعيده تلاقينى امسك الورقه والقلم ممكن ارسم ورده مفتحه وشعورى ساعتها بيوصل بسرعه جداً لما حد بيشوفها..


تقبلى تحياتى البوست رائع..

كلام وخلاص يقول...

محمد حلمى مخلوف:قصتك اجندة الروائى فعلا جميلة وتستحق انها تكون الاهم فيما كتبته وان شاء الله تكتب احلى كمان ويعجبك.بالنسبة لكتابتها سيناريو ليه لاء الاول اتفرجت على فيلم بابل لبراد بيت؟؟ الفيلم برضه بيحكى قصص لاشخاص مختلفين بتجمعهم الظروف بطريقة او باخرى التقطيع فيه متقن جدا ومعمول بحرفية عملت له جو خاص قصتك برضه فكرتها خاصة جدا يعنى فيه لينك رابط الاحداث كلها وهو الاجندة ومش عارفة ان كنت تحب تربط شخصياتك بتعاملات اكتر من كونهم اصحاب او مروا فى حياة مدون المواقف ولا لاء لانك برضه ممكن تكتبهم بدون رابط ويبقى الفيلم مواقف منفصلة وده برضه اتعمل قبل كده مع قصص ليوسف ادريس زى قصة 5 ساعات وغيرها عموما فكرة انك تكتبها سيناريو فكرة ممتعة جدا اعتقد كمان على المستوى الشخصى انت اكيد بتستمتع بالكتابة وحتبقى تجربة لذيذة
بالنسبة ان حد يهتم انت عارف انها تجارة اولا واخيرا وان حساباتهم ابعد ما تكون عن جودة القصة او السيناريو لكن ده ما يمنعش المحاولة خصوصا ان فيه دلوقتى تجارب شبابية من بابها (اوقات فراغ-كامب-ورقة شرفة)وطبعا مش بتكلم عن جودة الافلام دى بس اقصد التجربة نفسها المهم بعد كل الكلام ده اكتب انا حاسة انها تجربة جميلة جدا
شكرا بجد لانك اهتميت برأيى
نورتنى

كلام وخلاص يقول...

ميادة: بجد شكرا لرأيك ولمرورك وبجد شرفتنى زيارتك واهلا باهل المنصورة اطيب ناس
على فكرة انا دايما باحس ان اصدق لوحة تعبر عن المجتمع هو الفنان نفسه لو كان فنان حقيقى يعنى وبالتالى اكيد احساسيه اللى هى جزء منه حتطلع زيه ويظهر انك بتحبى ترسمى وعندك احساس عالى بالرسم ويا رب دايما تفضلى ترسمى زهور مفتحة وطيارات ورق وكل رمز مبهج
نورتنى