لن تجدنى بالجوار
سيظل منبه الموبايل يستفزك
سيظل منبه الموبايل يستفزك
ولن اضغط غفوة
ولن اوقظك.
سأخذ معي صباح الفل التي القيها حولك اينما ذهبت.
لن تضطر لتذكيري أن التصبيح مرة واحدة فى اليوم يكفي
ولن ابرر لك اننى لا اشم الفل الا اذا ناديته بإلحاح.
لن تفور القهوة
سأخذ معي صباح الفل التي القيها حولك اينما ذهبت.
لن تضطر لتذكيري أن التصبيح مرة واحدة فى اليوم يكفي
ولن ابرر لك اننى لا اشم الفل الا اذا ناديته بإلحاح.
لن تفور القهوة
فلن انساها
لاننى لن اكون هناك.
لن تشترى المزيد من العسل للبني المثلج
ستمشي سريعا فلن اكون خلفك لتحثنى على الاسراع .
ستبقى قمصانك زاهية فلن اتعلم فيهم
ستقابل اصدقائك
لن تشترى المزيد من العسل للبني المثلج
ستمشي سريعا فلن اكون خلفك لتحثنى على الاسراع .
ستبقى قمصانك زاهية فلن اتعلم فيهم
ستقابل اصدقائك
وتشاهد الاهلى
وتوفر ثمن كتب صنع الله ابراهيم
لن تكتشف امنيتى الخفيه بان اصبح ملكة نيرودا المتوجة
أو احفظ كنز ايلوار فى حدقتى
لن تفرمل حبي للابيض الذى غار النهار منه
وللداره التى ستحملنى بعيدا عن درب الاعمار
لن تشعر حنيني لخبز أمى
لن تغلق اذاعة القرآن الكريم بعد نومى ....
ساستيقظ لاجدها.......
لن تكتشف امنيتى الخفيه بان اصبح ملكة نيرودا المتوجة
أو احفظ كنز ايلوار فى حدقتى
لن تفرمل حبي للابيض الذى غار النهار منه
وللداره التى ستحملنى بعيدا عن درب الاعمار
لن تشعر حنيني لخبز أمى
لن تغلق اذاعة القرآن الكريم بعد نومى ....
ساستيقظ لاجدها.......
فلا أحد بالجوار
هناك 13 تعليقًا:
تكفي كل هذه المواقف
كي نحيا عليها طويلاً
يجب أن نتماسك لكي تبقى اللحظة
أكثر نبلاً
عارفه ...مش عارف ليه::
وليد ...اخبارك ايه؟؟
اسعدتنى زيارتك
كلامك مظبوط ....لأن نبل اللحظة يستحق
لحظاتنا النبيلة هى تراكم آدميتنا
نورت
مع انى زعلان بس هما كلمتين عشان الواحد يبقى خلص زمته......
كتابة اسماء الشيخ تعادل عندى لحظة أتناول فيها قطعة جاتوه شيكولاتة من عند كلاسيك ووراها بق قهوة كراميل وانا قاعد على البحر ساعة مغربية وبسمع فيروز بتغنى أديش كان فيه ناس.....
وكفاية كدة
ويا سلام يا شريف لو تكون ضارب برشامتين كيتوفان احتياطي علشان هوا البحر ما يتعبلكش الجيوب الأنفية،...ده غير كمان إن الكيتوفان بيعمل نوع كده من السكينة والراحة كده حلو اوي ..ابقى جربه وحتدعيلي
:D
اسماء
العلاقات الإنسانية عاملة زي العلاقات الدبلوماسية بالظبط ..
تفتح عندي سفارة ..افتح عندك سفارة ..تمشيها قنصليات ..امشيها انا كمان قنصليات ..تطرد لي السفير ..اطردلك السفير واعلن عليك الحرب كمان ...
لكن لما ابقى فاتح عندك سفارة وانت يا دوب فاتح عندي مكتب رعاية مصالح ...بتبقى حاجة متعبة اوي ..ومذلة اوي ..ومحطمة اوي اوي ..
:)
عجبتني اوي القصيدتين كنت متخيل انك لما تقرا شعر مترجم مش حتستمتع بيه ، لكن اكتشفت انهم لذاذ جداً،
طبعا اكيد يعني طبعا اكيد النص رائع جداً ..زي ما قلتلك على الفيس بوك، واستمري بجد يا اسماء واياك في لحظة يجيلك يأس ...خديها كلمة من قارئ (إنف) وما بيعجبهوش العجب ..انتي بتكتبي بطريقة ممتعة جدا
تقبلي تحياتي
التفاصيل حلوة اوى عارفه كل حاجة بتنرفزى بيها اللي عايشين معاكي انتى بتحبيها وبتتمنى تعمليها وهما شايفنها اوكى عادي اخويا وانا بوصله المطار وعدني ان اول هديه ليا هتكون تذكرة هيبعتهالى اقضي في اليونان ستة ايام
عارفه ليه عشان من وانا في 3 اعدادى وانا بتمنى اسافر اليونان وكلهم عارفين كدة حتى يوم المطار كلهم خدو الموضوع بهزار وهو كمان ممكن يكون بيهزر بس انا مش بهزر وهفضل مستنيه
انتى خليكى متمسكه بالي بتعمليها وهما في الاخر هيقتنعو بيه....
اسلوب كتابتك جميل و معبر وكله بساطة و بسيط هنا بمعنى انك مبتستخدميش كلمات مجعلصة ملهاش لازمة وفى نفس الوقت بتوصلى الاحساس صح وفعلا فنانة..
فى رأى ان فى ناس بتكون بطبيعتها انانية.. غدارة.. خاينة..او ببساطة مش مقدرين قيمتنا الناس دى لما نقابلهم لازم ناخد بالنا ان احنا مندلهمش امان او اكتر من ما يستحقوه..
الناس دى لازم تتعامل بالمثل لحد متفوق و تعرف ان هى الخسرانة..و منزعلش على فراقهم يوم من الأيام
لكن فى ناس بطبيعتهم طيبة مبيعملوش حاجة ممكن تضايق اللى حواليهم الا لما يكونوا مضطرين انهم يعملوا كده..الناس ده لما نقابلهم فى حياتنا يستهلوا اننا نديهم 70 عذر لو غلطو فينا او مكنوش معانا بالطريقة اللى احنا رسمنهالهم يكونو معانا بيها..ولو ال70 عذر مكفوش نديهم 72 ..لأن الناس دول معدنهم حلو ولما نيجى نحكم عليهم منكنش قاسين..
اللى خلانى اقتنعت بالكلام ده ان فضلت حوالى سنه انا و شخص معين بنا فى سؤ تفاهم انى اعرف سبب سؤ التفاهم ده مقدرتش.. فضل الشخص ده يعاملنى كأنى عدو مع انى حسيت اننا كان ممكن نبقا اصحاب المهم اللى طلع منى انى عاملته بالمثل بس من جوايا ايمان ان فى حاجة غلط ..و بعد سنة قالى سر العداوة ده.. كان حصلتلو مصيبة و كان فاكر انى ليه ايد فيها الغريب انى كل تصرفاتى كانت تخليه يشك فكده بس انا مكنتش اعرف انه بيمر بالمشكلة دى اساسا و لمافهمت الموضوع عرفت ان له حق يعاملنى باوحش من كدة كمان لو كان فاكر ان لي سبب فأن مصيبه ده تحصله..المهم عذرته و هو فهم برائتى و بأينا اصحاب جدا دلوقتى
غرضى من الكلام ده ان فى ناس تستحق اننا نعذرهم و نسامحهم و منحكمش عليهم لمجرد انهم مش بيدونا اللى احنا مستنينو منهم من اهتمام.. ديما فى سبب يستحق اننا نتعب نفسنا و نفكر فيه بس اما نكون متأكدين ان الناس ده كويسه و تستحق..و من جوانا بنقى عارفين اذا كان الشخص يستحق..او ميستحقش..
الموضوع اثار فيه حب التعليق و ده اول مره ازورك و مش الأخيرة بأذن الله
شريف
زعلان ليه بس؟ قلبك ابيض يا دكتور وبعدين اللى بيمنتحنوا مرفوع عنهم القلم لانهم مغيبيين فى عداد النائمين
:
:
تفاصيلك اللى كتبتها هنا تنفع بوست لوحده ابقى اتكلم عنها
الجملة اللى جمعتنى فيها مع الكتابة مفرحانى جدا وربنا يكرمك عليها
محمود::
فيه عداء شخصى بينى وبين الكيتوفان....وقفت كام شهر فى صيدلية ما بعتش غير معجون اسنا وجيل وكيتوفان من الاخر الدنيا كلها بتعمل بنصيحتك ...الكيتوفان فى كل مكان
تعليقك بهرنى... حلو جدا الموازية المتكافئة فى العلاقات ...هو فعلا شىء محطم لما يكون فيه طرف سحابي والتانى ارضى ولا صاروخ عابر للقارات يقرب بينهم
:
:
مش عارفه ارد على باقية التعليق
لانك اكيد عارف
نوجا::
صح المفروض انك تقتنع اولا وبالتدريج وقوة اصرارك حيوصل لغيرك
يارب يا نوجا يارب تسافرى اليونان
نورتينى يا قمر
غير معرف::
اولا شكرا على الزيارة والاهتمام والتعليق الجميل
ثانيا كلامك صح الفكرة ان البشر عامل متغير والظروف عامل متغير والعلاقة بين متغييرين علاقة صعب يتحكم عليها بالمسطرة ..فيه ثوابت نتمسك بيها النيه الحسنة والحكمة بس احيانا الحكمة بتبقى غالية جدا ونعمة لو ربنا رزقنا بيها يبقى لنا الخير كله
النفس الطويل فى الفهم ومحاولة التماس الاعذار باحس انهم من خصائص الزمن الجميل زمن الروقان والانسان يمكن احنا لو رجعنا الصفات دى يبقى بنعمل زمن اخر جميل لنا بس ما اضمنش غيرنا
جميلة زيارتك واتمنى فعلا تكرارها
اولا احب اقولك ان كلامك مظبوط و صح فعلا صعب يتحكم علي العلاقات و الناس بالمسطرةلأنها فى تغير و مطلوب فعلا عقل و حكمة..
بس عمر مكان التسامح و التماس العذر من عالم تانى جميل كله روقان بنعيش نفسنا فيه..التسامح سمة موجودة فى كل زمان ايوة قليلة دلوقتى زى حاجات تانية كتير بس ده ميمنعش وجودها و انها مطلوبة و زى محددت قبل كدة مش لأى حد و مش فى اى حاجة لازم تكون لشخص يستحقها و فى مكانها المناسب..لأن لكل حاجة حدود, فى حاجات ينفع يتسامح فيها و حاجات لأ بتختلف من موقف للتانى ومن شخص لأخر..بس الحقيقة صعب ننكر انها موجودة..
اشكرك واحترم رأيك و سأظل على اطلاع كتاباتك بأذن الله
غير معرف
اولا طبعا انا باعتذر جدا عن تأخرى فى الرد بس ده لظروف قهرية فعلا
:
:
:
على فكرة انا ما اختلفتش (معاك/معاكى) كتير الصلب واحد لكن كل حد فينا بيقوله بطريقته انا لما قلت زمن الروقان والانسان كنت اقصد وجودهم هما الاتنين مع بعض مش شرط زمان ومش شرط دلوقتى ومش شرط بكرة وقت ما يجتمعوا فى ظرف واحد وقت ما تتحقق سهولة الحياة وتسامحها على فكرة هى مش مثاليات صعبة التحقق زى ما بان فى كلامى قد ما هى ضروريات بس زيها زى ما ضروريات كتير تانية احنا بسرعة الحياة ونسياننا بتقع منا او بتضيع فى الزحمة
:
:
:
سعيدة فعلا بمتابعتك وبنقاشنا
عجبني جدا الأسلوب الاحترافي في كتابة المدونة ووضع لينكات على بعض الكلمات
زي ملكة نيرودا .. اللي لو كنت عملت قرد مكنتش هعرف إن المقصود بيها قصيدة الملكة لبابلو نيرودا لولا وجود اللينك
جروب المدونة على الفيس بوك مفيهوش غير عضوين وده أثار دهشتي
على المستوى الأدبي الأسلوب أكتر من رائع
وهستمر في قراءة المدونة مادامت موجودة إن شاء الله
إرسال تعليق