15‏/02‏/2013

15-2-2013 الساعة 9 بالليل

النهاردة 15-2-2013
تسمية الايام بتواريخها مهم عشان الذاكرة الخرفانه....
الهري مستمر بقاله كتير بقاله حوالى 24 سنة و 7 شهور ...كل ليله قبل ما أنام بافكر ربنا خلانى هنا ليه؟
كل ليله قبل ما انام مش باعرف انا هنا ليه و بانقبض .....
الايام دى ماشيه برجل موجوعة و كل ما تمر ذكرى أو اتنهد بالجامد لسرب حمام طاير رجلى توجعنى اكتر كأن قلبي وقع فيها و بقيت أحس برجلى بدل ما أحس بقلبي .....
جسمى كله مرتبك ، في الترام من كام يوم ركبت معايا بنت طويله لابسه اسمر في اسمر ملامحها من النوع الايقونى النوع اللى بيترسم على الفخار اليونانى و يسموه جمال....كل ما ابص ناحيتها اشم ريحه حلوة ، و اتأكدت انى باشم بعينى ....
بينى و بين كل الناس حاجز ازاز و كل الناس سعيدة بشكل او باخر لانهم مش أنا .....
بادعى ربنا تكليفى يجى في ابعد مكان ممكن عن البيت ....محتاجة ابعد عن افكارهم و عن تصوراتهم عنى ..ابطل اسمع نقدهم لتصرفاتى و ابطل اشوف فشلي فى عينهم....
مش عارفه حافضل اهرى كده لحد امتى و لمصلحة مين بس اتمنى بصدق انه يخلص .....كفايه بقى

ليست هناك تعليقات: