انحشر زر تغيير القنوات في الريموت القديم وانتصرت أمي........
استحلفتني أن ابقي المسلسل؛
فاستعوضت الله في الاستوديو التحليلي.
زادت مغانمها... ساضطر أن اعود للمنزل مبكرا لعيون الاعادة.
زادت مغانمها... ساضطر أن اعود للمنزل مبكرا لعيون الاعادة.
اكره مسلسل الدالي بشدة.
تتابعه أمي بحجة أنه قصة حياة عثمان أحمد عثمان؛ رجل أعمال الثمانينيات المعروف.....
للحق هو معروف لها أما أنا فلا.
فقط اعرف أنه يُميت البحر عند بئر مسعود.
ينبض الكورنيش بطوله بالمصطافين؛
وعند اقترابي من اللافتة المدون عليها
(( ملك لشركة المقاولون العرب))
اشعر اني مسافر على الصحراوي.
تتحسر أمي على حسام الدالي الذي مات في عز شبابه؛
تتحسر أمي على حسام الدالي الذي مات في عز شبابه؛
و اتحسر على ال
(sMs)
التي أرسلتها على قناة الأهلى ولن اتمكن من قراءتها.
تابعت شريط الرسائل كتعويض....
تنفرد جميع القنوات بلقاء مع محامي هشام طلعت مصطفي ....
كيف يكون انفراد و هو يذاع في كل القنوات؟.
اقترح عليهم مسلسل الاسكندراني للرمضانات القادمة.
ساتابعه بحجة أنه قصة حياة هشام طلعت مصطفى.
لتكن البداية مثلا قصة زواجه من نورا وظلمه لها بتطليقها.
النهاية علاقته بسوزان وظلمها له بموتها.
لن يبذل كاتب السيناريو مجهود كبير؛ القصة بقصورها الذاتي مليئة بالكيتش الواقعي.
فنانات...رجال أعمال....نهاية مآساوية. جميعها يحمل
(صنع في مصر)
كعلامة جودة أصلية لدرامتنا المبجلة.
لن يعرف ابني عن هشام سوى انه يزيد الفجوة الطبقية بعرض شارع البحرعند سان استيفانو
سيتابع بحر الله للجميع
وعند اقترابه من اللافتة المدون عليها
(( ملك لمجموعة طلعت مصطفى))
سيشعر انه بحر الله للاغنياء فقط.
ترميني أمي بالريموت لاخفض النشاز
فهى لا تطيق وائل جسار.
ارفعه عاليا واغني معه لأنى احبه بشدة
هناك 4 تعليقات:
شكرا
دى تانى مرة اهو تنزلى بوست ومش تقوليلى.....
وعقابا مش هعمل كومنت اكتر من ان اسلوبك بجد كان جميل جدا ودماغك عالية
واسألك سؤال عابر كده كأنى يعنى بعمل كومنت - بس انا مش بعمل - انت ليه مش بتبعتيها لجرايد
انا متخيلها مثلا فى اصظباحة بلال فضل
اولا يا شريف انت الوحيد دلوقتى اللى عاجباك و ده طبعا دعم اشكرك عليه
ثانيا ازاى يعنى اتصل بيك اقولك انى كتبت قصة جديدة طب افرض بتذاكر مثلا لا سمح الله او بره البيت مع اصحابك
انا مش باقول لانك ببساطة لما حتكون اونلاين حتلاقينى عملالك تاج على الفيسبوك و حتعرف و ابقى اترحم على ايام السنة اللى فات اللى مش حتتعوض اللى كنت باعرف فيها انت بتكتب ايه قبل ما يتخط ورق والعكس بالعكس
بالنسبة لاجابة السؤال اللى مش كومنت
عشان انا مش بلال فضل
وعشان زى الديب ما قال حديث الصباح والمساء....مافيش جديد
مش فاهم الديب كان يقصد حديث الصباح والمساء الرواية ، ولا حديث الصباح والمساء يعني الحياة واحداثها؟؟
في الحالة الأولانية فيهم جديد،فيهم الفكرة فيهم كلام اسماء، وفيهم اسلوب اسماء، و فيهم حياة اسماء، وفيهم حاجات ما اتكلمش عنها اكيد نجيب محفوظ، انا ما قريتش حديث الصباح والمساء، بس لو قريتها ما اعتقدش اني حلاقي فيها حاجة من هنا، وحقراها وارجع ارد عليكي علشان انا كده كده كنت عايز اجيبها،
لو حديث الصباح والمساء يعني اليوم والحياة ، صراحة انا شايف انه امر عادي جداً اومال يعني الواحد حيكتب عن ايه،
محمود
هو دكتور احمد كان يقصد تتابع الاجيال زى فى رواية حديث الصباح والمساء تكرار الاحداث على اختلاف البشر اللعبة واحدة زى ما اهالينا لعبوها احنا بنلعبها وهكذا
انا كمان ما قريتش الرواية بس شفت المسلسل كان عجبنى جدا الجو القديم وسرعة تداول البشر يعنى عائلات ورا بعض بتيجى بسيناريو الجواز على اختلاف صورهم وتفاصيلهم
احلى حاجة فى المسلسل اغنية انغام المقدمة والنهاية
"" الصبح طفل وليد
و مساه يبان تجاعيد
ونشوف ملامح الزمن
متعادة فى المواليد""
إرسال تعليق